Blogia
lanalona

Pa qué val la oficialidá del asturianu

La oficialidá de les llingües españoles prevista na Constitución supón tanto la garantía de los derechos de los sos falantes como'l mayor grau de protección posible de les llingües como bienes culturales. Por nun se sabe qué motivos, estos argumentos nun-yos abulten abondo a los dirixentes políticos de la FSA y del PP énte la ¿prósima? reforma del Estatutu d'Autonomía d'Asturies.

Pero puede apurríse-yos otru en viendo'l penosu papel qu'acaben de facer dellos pa defender lo indefendible: que nel I Congresu d'Estudios Asturianos entamáu pol Ridea se prohíba la presentación d'una ponencia ¿por tar n'asturianu!

A lo último, la conseyera de Cultura acabó diciendo que'l Gobiernu nun puede facer nada «porque l'asturianu nun ye oficial». ¿Nun repitíen mui ufanos que cola Llei d'Usu y Promoción del Asturianu yá nun se diba discriminar a naide n'Asturies por usar esta llingua? El casu ye que tien bona igua, facela oficial anque namás valga pa dexar de facer el ridículu.

 
Copy-Paste:  http://www.elcomerciodigital.com/pg060513/prensa/noticias/OpinionCartas/200605/13/GIJ-OPI-179.html
¿Y esta publicidad? Puedes eliminarla si quieres

0 comentarios

¿Y esta publicidad? Puedes eliminarla si quieres